تخيل وتخيلى !!!

تخيل وتخيلى !!!



تخيل وتخيلى:
هتموت بعد يومين ..... ياترى هاتروح فين!!!
ياساتر استر يارب ..... طبعا بعد الشر عليكم كلكم وعليا برضه انا بس عايزاكم تتخيلوا معايا حاولوا كده تغمضوا عينيكم وتفكروا بهدوء بس مش دلوقتى تغمضوا بعد ماتقروا .....تخيلوا إنكم قاعدين في أمان الله لابيكم ولافجأة وبدون مقدمات سطع قدامكم نور عظيم ولقيتوا قدمكم ملاك مافيش أجمل من كده ..... وجايبلكم معاه رسالة من فوق من عند بابا يسوع وكان كلامه كالاتى معلش تخيل معلش(سلام لك ....أنا جاى وجايبلك معايا رساله من عند رب الأرباب وصاني اسلمهالك وانت بذات هو بيقولك إن انت قدامك يومين بس في الدنيا الواســـعة دي .....وبعد يومين بالتحديد زى دلوقتى هاجي واخد روحك وأسلمها ليه) وفجأة وبرضه من غير مقدمات النور يختفي والملاك فص ملح وداب !!!ياخبر ابيض إيه اللي أنا شفته وسمعته ده ....معقول؟؟ معقول إن ده يحصل فعلا؟!!! بس أنا أكيد ماكنتش نايم ولا بحلم أنا صاحي ومفتح عيني كويس قوى ...... معلش استحملوني وخليكم معايا للآخر وأنا متأكدة إنكم هتحرموا تتخيلوا تأنى فاكروا معايا كده شوية لو حصل فعلا وقدامك بس يومين هاتعمل فيهم إيه واللا إيه ؟! أنا هاقولك على شوية حاجات ممكن غيرك يعملها في واحد هايفكر في نفسه وبس يعنى ازاى يستمتع بأخر كام ساعة في عمره كما ينبغي فسح ولعب وضحك ونكت وسهر و...و...و...يعنى من الآخر هايقضيها ؟لكن مثلا واحد هيفكر بطريقة مختلفة يعنى مثلا يقعد كده مع نفسه ويفكر في الحاجات الغلط اللي عملها قبل كده ويحاول على قد مايقدر يصلحها....وهايدورعلى كل واحد واحده قابلهم في حياته أذاهم أو ظلمهم أو قسي عليهم مين عارف مش يمكن تكون مامتك أو باباك اوحد من إخوتك حد من معارفك ..أصحابك ولو كانت في خطية مسيطرة عليه مثلا زى السجائر أو اى خطية تانيه يبطلها تماما. وفى واحد هيحاول يقرب من ربنا على قد مايقدر في اليومين دول ...وللي يتوحد لوحده واللي يورح يقعد في الدير واللي يتصدق على الفقراء بسخاء...الحاجات دي يعنى الأعمال الحلوة معلش أكيد تعبت من كتر التخيل طب تعالى بقى نرجع لأرض الواقع رجعت طيب حمدله على السلامة انت اهو الحمد لله كويس وفى كامل صحتك وقدرتك على عمل حاجات عظيمة اكتر من اللي تخيلناها من شويه .... طب ليه متخليش اليومين دول اللي انت عملت فيهم البدع هما حياتك الطبيعية كل يوم ....ايوة كل يوم كل يوم تحب اللي حواليك كل يوم تقرب من ربنا كل يوم تدى الفقراء كل يوم تحاول تبطل خطية أو عادة شريرة مسيطرة عليك فيه مقوله حلوه قوى بتقول إيه اسمع يا باشا :
LIVE EVRY OF YOUR LIFE AS IT IS THE LAST ONE,BECAUSE ONE OF THESE DAYS WlIL BE THE LAST"
استنوا استنوا هافهمكم يعنى عيش كل يوم من أيام حياتك زى مايكون الأخير لأنه في يوم من الأيام ده هايكون الأخير فعلا.
اطلب معونة ربنا وثق انه يديك قدرة انك تعيش حياة الاستعداد صح وأتمسك بشفاعة القديسين اللي بتحبهم وهما كمان بيحبوك خاصة ماما العدرة واعرف إنهم واقفين ليل ونهار قدام رب المجد يسوع بيطلبوا عنك ولحياتك للأفضل .
ياللا بقى ماعطلكمش اصلي رايح اتخيل تخيل جديد !
سلاااااااااااااااام

على فكرة الموضوع ده مكتوب فى مجلة رسالة الأمير بس أنا كتبه مش بالظبط
عاوزه من كل واحد يقرا الموضوع قولى هيعمل إيه لو اتحطت في الموقف ده اتفقنا.
+أنا عن نفسي هصحه من التخيل لا أنا هاروح اعترف واخالى أبونا يعملى قداس وأتناول علشان لو مت مروحش النار مستننيا ردودكم.+
+اذكرونى فى صلاوتكم







c.t.v