رجاء محبة الرد ضروري جداً.......

ازاى بس مش عارف تعترف لا لا لا أستهدى بالله كده و أرشم الصليب

هقولك على خطوات حلوة هتنفعك :

1- صلى لأبوك السماوى و هو هيرشدك أكتر من أى حد .

2- أسأل أى حد انت شايف أنه قدوة و يقدر ينفعك زى مانت عملت دلوقتى ان انت سالتنا و ديه خطوة إيجابية برافو عليك .

3- حاول تقرر فى داخلك انك هتروح لأب اعترافك فى أقرب وقت .(حتى لو مش عارف هتقول إيه)

4- و يا ريت تحضر القداس الصبح يوم الأعتراف لأن ده هيديلك قوة روحية تشجعك على الكلام وفضح الشيطان .

5- اثناء انتظارك للأعتراف حاول تفتكر بعض الخطايا اللى انت عملتها و أفتكر ان انت بتفضح الشيطان و مهما قولت ربنا هيغفرلك اكيد .

6- عند أبونا قوله على المشكلة دي و قوله ان انت مكنتش عارف تعمل إيه و هو اكيد هيفيدك كتير قوى .

7- خليك متأكد ان ديه كانت حرب من الشيطان علشان تيأس و تقول لنفسك ان انت مش عارف تعترف و تبطل تعترف .

8- افتكر كلام ربنا " ان كانت خطاياكم كالكرمز فأنها تبيض كالثلج ".
و " هو أمين وعادل حتى يغفر لنا خطايانا "

"تقوى و ليتشجع قلبك " و لا تنسى انك ابن للملك و ابيك يحبك دائماً مهما فعلت له و مهما اغضبته المهم رجوعك .