فضفضه

كتير اوي اليومين دول نحس ان محدش حاسس بينا...محدش سمعنا...محدش فهمنا
سعات بيبقى جوانا جرح او تعب او حتى فرح و سعاده بس مش لقين حد يسمح دمعتنا او حتي يشاركنا فرحتنا

لو جيت سالت حد نفسك ايه في شريك حياتك ممكن او ي يقوللك نفسي يكون شخص يفهمني من غير م اتكلم...
و ممكن تقعد تدور طول عمرك عن الشخص دا و برضوا في الاخر متلقهوش ....مشكله؟؟
مشكله و بنعشها كل يوم....مشكله و سبب مشاكل كتيييرتانيه في بيتنا و حياتنا

في البيوت تلاقي الاخوات مش بيسمعوا بعض...و اسمهم اخوات
و الاب ممكن يكون مشغول و مش عنده وقت يسمع ويلاده و يشاركهم كل حاجه و يمكن كمان مراته

كام مره سمعت حد و انت نفسك قولت "يا بابا افهمني بس" او " يا ماما اسمعيني للاخر بس"
كام مره و انت قاعد تحكي حاجه لصديق لقيته فهمك غلط و اطريت تقوله " انا مش قصدي كده خالص بجد مكنش قصدي ازعللك" او مثلا "انت فهمتني غلط"

و ندايق ان احنا بنتفهم غلط و نقول امتى بقى هلاقى حد يفهمني في الدنيا دي .....لحد امتى هعيش كده يعني!

بس مش عايزين نزعل اوي علشان ملك الملوك بنفسه فهمك و بيحبك زي م انت.....
ربنا سمع كل كلمة اه تطلع منك. سمعت ترنيمه جميله جدا اسمها بتفهمني و يا رب تعجبكم زي م عجبتني اوي و حسيت ان حتى لو مفيش حد في الدنيا دي عارف يفهمني ف ربنا بنفسه فهمني.......ازعل ليه بقى؟!
اختكم
c.t.v